НОВИ САД – З нагоди означованя 65 рокох од снованя Покраїнского заводу за защиту памятнїкох култури у Петроварадину, пред численима госцами пияток, 15. юлия, у Ґалериї Матици сербскей отворена вистава з назву „Як очувац и хасновац културни скарб“, авторки Славици Вуйович.
У Сербиї єст 20 513 значни културни добра, а 40 одсто ше находза праве у Войводини, визначел директор Покраїнского заводу за защиту памятнїкох Петроварадин Зоран Вапа на шветочносци, а винчуюци ювилей, министер култури и информованя Иван Тасовац гварел же за Сербию барз значне кед єй институциї култури означую вельки ювилеї, прето же ше указує цо ше шицко зробело и цо тоти институциї за собу охабели.
На отвераню вистави бешедовали и покраїнски секретар за културу, явне информованє и одношеня з вирскима заєднїцами Мирослав Штаткич, управнїца Ґалериї Матици сербскей Тияна Палковлєвич-Буґарски и авторка Славица Вуйович.