Означена 74. рочнїца Новосадскей рациї

автор зам
942 Опатрене

НОВИ САД – На Кею жертвох рациї, при памятнїку „Фамелия”, вчера у Новим Садзе означена 74. рочнїца Новосадскей рациї, кед мадярски фашисти од 21. по 23. януар 1942. року у Новим Садзе забили вецей як 1 200 Єврейох, Сербох, Ромох и припаднїкох других националносцох и руцели под ляд до Дунаю.

На комеморативним сходзе присуствовали представителє городскей и покраїнскей власци, Сербскей православней церкви, Єврейскей заєднїци, амбасадох Израїлу и Мадярскей, Войска Сербиї, потомки жертвох и числени гражданє.

3-Racija-02

Городоначалнїк Милош Вучевич з тей нагоди гварел же Рация була єдна з найвекших траґедийох у историї Нового Саду, и визначел же то днї смутку на хтори нїґда нє шмеме забуц.

– Тоти страшни януарски днї нас научели же лєм вєдно, лєм зложно и лєм у миру можеме буц гац каждому пробованю злодїйства и зла. Нашо достоїнствене здогадованє нїґда нє припознавало и нє припозна вимсценє и нєтолерантносц ґу иншакому – гварел Вучевич.

3-Racija-03

Панахиду служели священїки и достойнїки Сербскей православней церкви, на чолє з владиком єґарским, паном Єронимом, а єврейски комеморацийни обряд верховни рабин у Сербиї Исак Асиел. Венци на памятнїк положели делеґациї Городу Нови Сад, спомнутих амбасадох, Єврейскей општини Нови Сад, Союзу єврейских општинох Сербиї, Матки ромскей, представителє потомкох жертвох, на концу и представителє Скупштини АПВ, а з ладї Ричней флотили Войска спущени и венєц до Дунаю.

Панахида вчера отримана и при спомин-означеню на новосадскей плажи Штранд.

3-Racija-04

ПОВЯЗАНИ ТЕКСТИ