НОВИ САД – З кладзеньом венцу на Спомин-плочу учашнїком Велькей народней скупштини, городоначалнїк Нового Саду Милош Вучевич, предсидателька Скупштини Городу Нови Сад Єлена Црноґорац, представителє Здруженя потомкох воякох од 1912. по 1918. рок, та представителє Националного совиту Бунєвцох означели 25. новембер – Дзень припоєня Войводини ґу Сербиї.
Предсидатель Вивершного одбору НС Бунєвцох Мирко Баїч гварел же тот дзень значни за їх заєднїцу, так же го Бунєвци преглашели за свойо националне швето.
Велька народна скупштина Банату, Бачкей и Баранї 25. новембра 1918. року принєсли одлуку о припоєню ґу Сербиї, а Скупштина Сриму дзень познєйше.