ШИД – Всоботу, 5. новембра, означени Дзень здогадованя и 25-рочнїца ґранатованя Шиду 1991. року з боку горватских паравоєних моцох, кед у будинку Задруги, у Карадьоровей улїци, на роботним месце погинули Дьордє Манойлович, Слободан Михалєвич и Мирослав Шерфези.
Точно на 11 годзин з минуту цихосци дата почесц погинутим, а потим делеґациї Општинского здруженя борцох НОВ, як и Здружена воєних пензионерох, положели венци на спомин-плочу жертвом ґранатованя на будинку тедишнього Польопривредно-индустрийного комбинату, дзе була Задруґа у хторей робели погинути.
Предсидатель Предсидательства борецкей орґанизациї Сава Рошич здогаднул на подїю пред 25 роками и на нєвини жертви, надпоминаюци же ше борецка орґанизация вше будзе здогадовац на тоту подїю и на нєвини жертви.
