БИКИЧ – Вчера, 4. децембра, перше зоз Службу Божу у церкви, а потим и панахиду опрез памятнїку погинутим борцом у центре валалу, почало означованє Дня ошлєбодзеня Бикичу у Другей шветовей войни. Службу и панахиду служел бикичски парох о. Владимир Еделински Миколка.
З нагоди Дня ошлєбодзеня венци на памятнїк погинутим борцом и жертвом фашистичного терору положели делеґациї Месней заєднїци Бикич, локалней самоуправи и борецкей орґанизациї.
Школяре основней школи з валалу виведли пригодни рецитал, читали свойо писмени твори, як и поему „Кирвава сказка”.
З нагоди Дня ошлєбодзеня у сали Пасторалного центру отримани и пригодни коктел.