ДЮРДЬОВ – У Основней школи Йован Йованович Змай у Дюрдьове, вовторок 24. новембра, означени Дзень школи. Тот датум прешлих рокох бул означовани на вецей способи – з представу, програму, виставу и подобним, алє того року так як дошлєбодзує позарядова ситуация пре вирус Ковид-19.
Школяре нїзших класох зоз своїма учительками з нагоди Дня школи отримали рижни роботнї о поетови Йованови Йовановичови Змайови, чийо мено дюрдьовска Школа ноши полни шейдзешат пейц роки. Вони правели колажи з малюнками и стихами того поети, читали и висписовали його стихи, а на даєдних годзинох слухали шпиванки котри компоновани на Змайово стихи.
