ЗРЕНЯНИН – Всоботу, 15. октобра, у Зренянину означени 15. октобер – Медзинародни дзень валалских женох, уж осми раз зоз Саймом творчосци валалских женох, хтори орґанизовали Завод за ровноправносц полох, Покраїнски секритарият за социялну политику, демоґрафию и ровноправносц полох АП Войводини и Город Зренянин. На Сайме участвовало и Здруженє женох „Байка” з Руского Керестура.
Манифестация отримана на площи опрез Городскей хижи, а отворел ю министер за роботу, обезпечованє роботи, борецки и социялни питаня Александар Вулин. На нєй участвовали коло 2 000 жени з 27 войводянских местох, а медзи нїма и жени зоз здруженьох з наших местох – Керестура, Бикичу, Дюрдьова и Нового Орахова.
Здруженє женох „Байка”, вєдно зоз здруженями женох зоз Сивцу и Крущичу, на Сайме представело свойо сувенири, а їх одход оможлївела Канцелария за локални економски розвой Општини Кула,.