СЕРБИЯ – Вчера, 8. мая, и у Сербиї означени Шветови дзень Червеного крижу и Червеного полумешацу, а з мотом „Вшадзи за каждого”.
Червени криж Сербиї найстарша гуманитарна орґанизация у нашей жеми и того року означує 140-рочнїцу роботи, а з рижнима програмами помоци и активносцами, як цо то едукациї, народни кухнї, добродзечни даваня креви, обуки за першу помоц, програми помоци загроженому жительству, старосц о старих особох и другима облапя коло два милиони людзох – сообщене з Червеного крижу. У програмох Червеного крижу Сербиї участвую коло 60 000 волонтере и 750 заняти.
Червени криж и Червени полумешац свой дзень 8. мая означую як здогадованє на родзени дзень єдного зоз снователя того гуманитарного руху – Анри Димона.
На ґлобалним планє, тоти два орґанизациї прейґ рижних активносцох и помоци у нєщесцох помагаю коло 110 милиони людзом, 160,7 милиони людзом прейґ розвойних активносцох, як и унєщесценим у зраженьох и других формох насилства.
Централна манифестация означованя Шветового дня Червеного крижу и Червеного полумашацу у Сербиї вчера отримана на Площи Републики у Беоґрадзе