РУСКИ КЕРЕСТУР – Швето Мариї Лурдескей керестурски парохиянє вчера,означели у дакедишнєй манастирскей каплїци шестрох служебнїцох на Капущаним шоре (при Доме за старих), хтора пошвецена Богородици Лурдескей.
На тот дзень там служени штири Служби Божо, на 8, 10, 15 и 17 годзин, а як служителє ше зменьовали троме домашнї священїки – парох о. Михайло Малацко и капеланє о. Владимир Медєши и о. Михайло Шанта, парох о. Владислав Рац и о. Яков Кулич з Коцура, та парох з Кули о. Виталий Лотоцки, ЧСВВ.
У казаньох священїки здогадли на значносц лурдеских указаньох и на Марийово нєпреривне старанє и помоц вирним. На службох було нагоди и за Св. споведз и кирбайски полни одпуст, були служени молебени до Богородици, а пред кажду Службу модлєна молитва Ружанцу.
Почитованє Мариї Лурдескей барз розширене и у нашим народзе, та попри домашнїх, на вчерайших службох було вирних и з других парохийох.
