СУБОТИЦА – Националне швето Руснацох у Подручней канцелариї Националного совиту у Суботици означене вчера на поладнє з пригодну програму и коктелом у просторийох Дружтва Руснацох у Суботици.
Присутних привитал предсидатель Дружтва Иван Гарди, кратку историю Руснацох на тих просторох пречитала Наташа Ґрунчич, Мишана жридлова шпивацка ґрупа одшпивала два руски шпиванки, а жени з Дружтва за тоту нагоду пририхтали руски народни єдла – капущанїки, белюши, кифлочки и друге.
Попри Руснацох зоз Суботици, спред локалней самоуправи на шветочносци присуствовали заменїк городоначалнїка Суботици Томислав Велькович, помоцнїк городоначалнїка задлужени за малу привреду Любен Христов, предсидатель Вивершного одбору Националного совиту Руснацох Желько Ковач и представителє македонскей и бунєвскей националней заєднїци у Суботици.
По шветочней програми представительом Городу домашнї знова винєсли проблем з обезпечованьом просторийох за Дружтво Руснацох у Суботици, котри обецали же помогню у його ришованю.
