ШИД – На ютре на Спомин-памятнїку „Сримски фронт” нєдалєко од Шиду будзе означена 70-рочнїца велькей битки у закончуюцих операцийох за ошлєбодзенє Югославиї од фашизму у Другей шветовей войни. Програма почнє на 12 годзин.
Делеґациї Влади Сербиї, Войска Сербиї, Општини Шид, борецких орґанизацийох, амбасадох державох-учашнїцох у спомнутей битки положа венци и квеце на Спомин-памятнїк.
Як наявене, у мено Влади Сербиї будзе бешедовац министер роботи и социялней политики Александар Вулин, потим предсидатель Општини Шид Никола Васич, як и представнїк Здруженя борцох Народноошлєбодительней войни.
Означованє, мало буц 12. априла, алє є пре Вельку ноц преложене за 18. април.