НОВЕ ОРАХОВО – У Новим Орахове на соботу, 14. мая, будзе шветочносц з нагоди 70-рочнїци доселєня Руснацох до Нового Орахово и 69-рочнїци постояння ораховского КУД „Петро Кузмяк”.
Шветочносц почнє на 17 годзин з отвераньом Етно-хижи, на 18 годзин будзе Служба Божа у церкви Христа одкупителя, а на 20 годзин Шветочни концерт у Кино-сали.
Попри домашнїх з КУД „Петро Кузмяк”, на програми наступя и госци з КУД „Калина” з Индїї и ораховского мадярского КУД „Ґраца Янош”, а специялни госц на програми будзе штернацрочни шпивач з „Пинкових гвиздочкох” Жарко Прибакович з Бачкей Тополї.