Окано Канаме нащивел руски оддзелєня у Горватскей

автор игр
1.5k Опатрене

ВУКОВАР/ПЕТРОВЦИ/СТАРИ ЯНКОВЦИ – Прешлого тижня, стреду, 6. априла школярох котри уча руски язик и културу и їх учительох у ОШ „Антун Бауер” у Вуковаре и єй подручну школу у Петровцох, та ОШ у Старих Янковцох нащивел Канаме Окано, Японєц з Токия на докторских студийох у Новим Садзе.

За Окана нашо школяре у спомнутих местох дознали прейґ интервюу з нїм у МАК-у, цо заинтересовало членох Форуму младежи Дружтва „Руснак” з Петровцох и школярох, та го поволали до нащиви. У Вуковаре, Петровцох и Старих Янковцох госц ше стретнул зоз школярами руских оддзелєньох у хторих руски язик преподава учителька Илона Грецешин.

Вєдно з Канаме Оканом бул и професор на новосадским Одсеку за русинсистику др Михайло Фейса, а на одходзе Окано подзековал школяром на красним приєму и пожадал им же би нїґда нє забували на свой мацерински язик, окреме кед то руски, пре хтори их вон и нащивел.

ПОВЯЗАНИ ТЕКСТИ