БЕОҐРАД – Беоґрадски центер за людски права и Урбан ин нєшка орґанизую округли стол з тему „Финансованє роботи националних совитох националних меншинох”. Сход у Беоґрадзе будзе у Хижи людских правох и демократиї (Княза Милоша 4), а почнє на 12 годзин.
То пията зоз шейсц планованих розправох пре запровадзованє конструктивного диялоґу медзи националнима совитами и державнима орґанами и орґанизациями цивилного дружтва о улоги и значносци совитох у витворйованю правох меншинох у обласцох над хторима маю компетенциї.
Розправу ше отримує и пред наявенима вименками Закона о националних совитох, а їх финансованє од держави єден з важних условийох за витворйованє законски утвердзених правох.
У мено Националного совиту Руснацох, на нєшкайшим округлим столє будзе присуствовац заменїк предсидателя Совиту Йовґен Мудри.