Омбудсман реаґовал на Нарис закона о плацох, наявене усоглашованє

автор бета/сен
810 Опатрене

БЕОҐРАД – После протестох репрезентативних синдикатох процив Нарису закона о плацох у явним секторе реаґовал и Защитнїк гражданох Саша Янкович, котри Министерству за державну управу и локалну самоуправу послал допис у хторим наводзи же тот документ нєускладзени з предписанями о роботи и державних службенїкох.

Янкович оценєл же Нарис нє реґулує плаци занятих у явних подприємствох и Народней банки Сербиї, та трошок явних средствох и анґажованє роботнїкох нє буду транспарентни. Омбудсман ма зауваги и на нєускладзену терминолоґию, цо чкодзи системи роботних одношеньох и системи плацох державних службенїкох.

2-Zakon-02

На вчерайшей схадзки Социялно-економского совиту нє було бешеди о Нарису закона, понеже ше чека нову верзию того документу. Министерство за державну управу и локалну самоуправу и Министерство финансийох ше маю догвариц о способе обраховйованя надополнєня за прешлу роботу (минули рад) и одсуство з роботи, односно под час хорованя и рочного одпочивку.

ПОВЯЗАНИ ТЕКСТИ