БЕОҐРАД – Сербия напредує у обласци унапредзеня людских и меншинских правох, хтори часц прегваряцкого поглавя 23, гварела директорка Канцелариї за людски и меншински права Сузана Паунович и визначела же тото поглавє єдно з найчежших.
Пауновичова гварела же Акцийни план за прегваряцке поглавє 23 закончени, а отверанє поглавя заплановане у першей половки 2016. року.
Понеже положенє националних меншинох будзе ключне у наиходзацим периодзе, ресорне министерство основало роботну ґрупу хтора ше будзе занїмац з националнима меншинами и будзе робиц на формованю системи интеґрациї националних меншинох.
Пауновичова визначела же треба унапредзиц обласци образованя, култури и информованя, та закончиц стратеґию за Ромох.