ВЕРБАС – Влада Републики Сербиї на остатнєй схадзки у 2015. року одлучела же, пре консолидованє буджету, Општини Вербас як помоц уплаци 21 милион динари з буджетских резервох Сербиї.
Як визначел предсидатель Општини др Братислав Кажич, пенєж вихасновани за вимирйованє обовязкох спрам дзепоєдних поверительох и за виплацованє часци заробкох занятим у явним секторе.
Др Кажич гварел же так виплацена цала новембарска плаца скоро шицким буджетским хасновательом, окрем занятим у Явним подприємстве за транспорт путнїкох и Явним комуналним подприємстве „Стандард”, хтори маю векши заостаток у виплацованю плацох.
Кажич додал же, медзи другима општинами, Вербас помоц од Влади Републики Сербиї достал после посиланя урядового допису и вецей схадзкох з представителями Министерства финансийох и других державних орґанох.