ВЕРБАС – Вчера по наглим поступку отримана штернаста схадзка Скупштини општини (СО) Вербас, а централна точка дньового шору була розпатранє Одлуки о рефинансованю длугорочних кредитох за капитални инвестицийни розходи Општини, вжати при дїловних банкох.
Член Општинскей ради Душко Чутило з тей нагоди визначел же локална самоуправа 2013. року нашлїдзела прейґ 900 милиони длуства, а тераз враца штири кредити з барз велькима мешачнима ратами, цо загрожело нормалне функционованє Општини. З новим кредитом буду рефинансовани постояци штири кредити.
Дньови шор на схадзки СО дополнєти з вименками Одлуки о окончованю комуналней дїялносци, спрам хторей надополнєнє за виношенє шмеца и потрошену воду нє буду плацац хаснователє пенєжней социялней помоци.