РУСКИ КЕРЕСТУР – Школяре осмей класи ОШ „Петро Кузмяк” вчера мали остатнї наставни дзень у своїм осемрочним основним образованю, а у тей ґенерациї єст 36 школярох у двох оддзелєньох.
Як Рутенпрес дознава у Управи Школи, на пияток, 3. юния, Наставнїцка рада ма потвердзиц предкладаня оддзелєнских радох о менованю школяра ґенерациї у ОШ и окремних дипломох найуспишнєйшим школяром.
Шветочне випровадзанє малих матурантох Школа пририхтує 6. юния – з програму у Велькей сали Дому култури на 18 годзин, дзе будзе преглашени и школяр ґенерациї и придати окремни дипломи. По програми, на 20 годзин почнє Мломатурски вечар у просторийох Школи.
Закончуюци испит – з мацеринского язика, математики и комбиновани тест з пейц предметох, закончени школяре осмей класи буду покладац од 15. по 17. юний. Керестурска Школа за маломатурантох орґанизує и окремни годзини, як пририхтованє за покладанє Закончуюцого испиту.