Основане ЯКП „Явне ошвиценє, услуги и отримованє“

автор влдї
884 Опатрене

ШИД – На вчерайшей схадзки Скупштини општини (СО) Шид одборнїки принєсли одлуку о сцераню ЯП за квартельни услуги и будовательну жем з евиденциї индиректних хасновательох буджету, а спрам законских предписаньох, основане нове ЯКП „Явне ошвиценє, услуги и отримованє“, хторе з роботу почнє 1. децембра.

8-Sid-02

Пред тим одборнїки з функциї розришели о.д. директора ЯП за квартельни услуги и будовательну жем Александра Йовановича, а за о.д. директора нового подприємства меновали Душана Ластича, тиж як и Йовановiч, мастер менаджера.

СО прилапела и Одлуку о максималним чишлє стаємно занятих у Општинскей управи, прето же з гашеньом ЯП за квартельни услуги и будовательну жем заняти у тим ЯП тераз буду роботнїки у Општинскей управи, хтора место 92 будзе мац 101-ого занятого.

На схадзки прилапени и Локални акцийни план за унапредзованє положеня миґрантох од 2016. по 2020. рок, як и одлуки о планох реґулованя Блоку 17-А у населєню „Восток“, Блоку 1-А Бельняча, як и план реґулованя лоґистичного центру у Вашици.

Одборнїки прилапели и вецей кадрово пременки у Школским одборе ОШ „Сава Шуманович“ у Ердевику, Штреднєй школи „Никола Тесла“ у Шидзе и ОШ „Бранко Радичевич“ у Шидзе.

ПОВЯЗАНИ ТЕКСТИ