ШИД – Општинска рада (ОР) Шид принєсла ришенє о снованю Совиту за управянє з миґрациями и тирваци ришеня, пре порихтаносц за зочованє з проблемом миґрантох, понеже шидска општина погранїчна ґу Републики Горватскей – сообщел предсидатель Општини и ОР Шид Никола Васич.
Совит будзе предкладац програми, мири и плани активносцох хтори треба преберац у случаю приходу миґрантох до Општини Шид.
Шицки активносци спомнутого совиту буду у согласносци з активносцами Републичного Комесарияту за вибеженцох.