НОВИ САД – Штварта и остатня видео-приповедка, котра ше реализує у рамикох проєкту„Учме вєдно руски язик: Читай ми!“ будзе на нєдзелю, 31. марца на 12 годзин у Заводу за културу войводянских Руснацох.
Як и потераз, после емитованя видео-приповедки, на тот завод „Шнїгочки”, будзе орґанизована тематична креативна роботня.
После премиєри, видео-приповедка будзе положена на Ютюб канал Заводу. Проєкт видео-приповeдкох „Учме вєдно руски язик: Читай ми!“, перши такей форми у рускей заєднїци, реализую авторки Александра Бучко и Саня Дивлякович. Ношитель проєкта Новинарска асоцияция Руснацох, а финансийну потримовку дал Завод за културу войводянских Руснацох.