ДЮРДЬОВ – У 17. колу єшеньскей часци першенства Новосадскей лиґи, внєдзелю 22. новембра, екипа ФК Бачка дома победзела екипу зоз Буковцу зоз резултатом 2:0 (1:0).
Бависко було напарте по сам конєц зоз велїма опомнуцами пре нєспортске справованє бавячох на терену.
У першим полчасу у 31. минути ґол дал Душан Тривунович, а пред сам конєц змаганя у 89. минути Деян Тривунович дал ище єден ґол за домашню екипу. Зоз седемнастим колом закончена єшеньска часц сезони Новосадскей лиґи.
На концу єшеньскей сезони Бачка ше находзи на седмим месце на таблїчки и ма вкупно 31 бод.