ВЕРБАС – Понеже у прешлим тижню на драгох у општини Вербас було три транспортни нещесца у хторих аж три особи погинули, пре погоршану ситуацию у тей обласци зашедал Совит за безпечносц у транспорту Општини Вербас.
У сотруднїцтве з Полицийну станїцу Вербас, Совит обезпечи интензивнєйши мири контроли, а и полиция и Совит поволую гражданох же би почитовали транспортни предписаня, окреме пешаки и бициґлисти, а вожаче огранїченя швидкосци.
Як сообщене, пре злєпшанє безпечносци на драгох, припаднїки транспортней полициї на вецей пунктох у општини звекшаю контролу, з акцентом на почитованє шветлосней сиґнализациї при бициґлистох, на нєпочитованє предписаньох при пешакох и вожачох спрам пешакох, алє и на контролу швидкосци и уровень алкоголу у креви.
У спомнутих транспортних нєщесцох за кратки час погинули єден пешак и двоме бициґлисти.