ЗОМБОР – Зомборски литературни фестивал и Городска библиотека „Карло Биєлицки” розписали конкурс за другу кнїжку авторох младших од 35 роки. Як сообщели орґанизаторе зоз Зомбора, циль конкурсу помогнуц младим ґенерацийом у превозиходзеню проблему видаваня другей кнїжки.
Приявиц ше можу авторе до 35 роки котри маю єдну обявену кнїжку, без огляду на жанр. Вибрани рукопис будзе видруковани у 300 прикладнїкох, а награду автор достанє у априлу, лєбо маю 2016. року на Зомборским литературним фестивалє.
Рукопис муши буц подписани зоз шифру, авторске дїло на сербским язику муши буц ориґиналне, а часци можу буц обявени и скорей. Роботи мож посилац по 15. януар 2016. року на адресу somborkf@gmail.com
Окрем рукопису треба послац и мено и презвиско автора, контакт, кратку биоґрафию, кратки опис, критику, лєбо рецензию першей кнїжки, та ришенє шифри з хтору рукопис подписани.