НОВИ САД – Младежски орґанизациї и установи зоз шедзиском на териториї Войводини можу конкуровац за потримовку проєктом за превенцию насилства и дискриминациї.
Покраїнски секретарият за спорт и младеж сообщел же окреме потрима проєкти превенциї електронского, парняцкого, полного насилства, та проєкти чий циль зменшованє предрозсудкох ґу младим з чувствительних ґрупох.
Проєкти би мали буц витворени у школским 2015/2016. року през виглєдованя, отримованє роботньох и едукацийох, а за єден проєкт мож достац найвецей 400 000 динари.
Конкурс тирва по 5. новембер, а вецей информациї и документацию за приявйованє мож найсц на сайту www.sio.vojvodina.gov.rs.