НОВИ САД – Образовни установи ше по 31. марец марец можу приявиц на конкурс за софинансованє проєктох з обласци образованя, хтори розписал Покраїнски секретарият за образованє, предписаня, управу и национални меншини- национални заєднїци.
З проєктами можу конкуровац установи за основне и штреднє образованє чий снователь Република, Покраїна, лєбо єдинка локалней самоуправи, потим реґионални центри за професийни розвой занятих у образованю и здруженя хтори запровадзую рижни активносци з обласци образованя. Шицки муша буц з териториї Войводини.
Секретарият потрима проєкти чийо цилї модернизованє воспитно-образовней роботи, усоглашованє образованя з потребами на тарґовищу роботи, пестованє мултикултуралносци и традициї, мацеринского язика припаднїкох националних меншинох.
Проєкти и програми хтори потримую звонканаставни активносци, инкулзивне образованє, як и унапрямени на превенцию вчасного напущованя формалного образованя, тиж буду приоритет софинансованя.
Вецей информациї и текст конкурсу мож опатриц на сайту Покраїнски секретарияту www.puma.vojvodina.gov.rs