НОВИ САД – Предсидатель Скупштини АП Войводини Иштван Пастор и предсидатель Покраїнскей влади Боян Пайтич вчера у новосадским населєню Телеп отворели нови студентски дом „Колеґиюм Европа”, чию вибудов финансовали Мадярска и Покраїнска влада, а жем на хторей є збудовани дала Римокатолїцка бискупия Бачка.
Новоотворени дом ма места за коло 350 студентох котри студираю на даєдним з факултетох Универзитету у Новим Садзе, а котри основне и штреднє образованє здобули на мадярским язику. У доме буду змесцени и сербски студенти з Мадярскей.
Пастор гварел же є прешвечени же студентски дом пре свою намену капитални проєкт, а Пайтич визначел же є єден зоз штирох нових студентских домох хтори вибудовала Покраїнска влада за даскельо остатнї роки, а постояци доми реконструовани.