ШИД – У сали Културно-образовного центру вчера отримана авдиция за познату шпивацко-музичну манифестацию „Сербия у ритму Европи“.
Наступели младши и старши танєчнїки СКУД „Святи Сава“ зоз Шиду, танєчни ґрупи ОШ „Вук Караджич“ зоз Вашици и Адашевцох и ище два ґрупи сучасного танцу, як и коло 15 шпиваче од 12 по 17 роки.
Фахови тим манифестациї на чолє з Иґором Карадаревичом, директором манифестациї, вибрал за змаганє даскельо танєчнїкох, и лєм двоїх шпивачох.
Шидянє буду наступац под заставу одредзеней держави ЕУ як накладаю правила змаганя, на финалним змаганю у Враню у юнию, хторе директно будзе преношиц Перша сербска телевизия.
