Отримана духовна обнова за наших священїкох

автор дар/зам
1.1k Опатрене

КУЛА – Вчера, 21. марца, у нашей церкви у Кули отримана ярня духовна обнова за священїкох Апостолского еґзархату за грекокатолїкох у Сербиї, на чолє з апостолским еґзархом, владиком Георгийом, а присуствовали штернац священїки з дзешец парохийох.

Стретнуце почало з Богослуженьом Трецого часу и Панахиду за шицких покойних владикох, паноцох, панїматки, богословох и монахинї, хторе предводзел о. Дарко Рац. После молитви, духовни науки з тему Року милосердия отримал кулски парох о. Виталий Лотоцки.

Священїки ше могли и висповедац, а потим отримана и схадзка о актуалних темох и питаньох вязаних за нашо парохиї.

Духовна обнова закончена зоз заєднїцким полудзенком, а порадзене же шлїдуюца будзе у Новим Садзе.

ПОВЯЗАНИ ТЕКСТИ