КУЛА – На тогорочней шеснастей Зонскей смотри подобових творительох-аматерох з општинох Кула, Зомбор, Оджак и Апатин участвовали 62-ойо творителє, а зоз своїма роботами кулску општину представяли и Амалия Ковач з Кули и Янко Бики з Руского Керестура.
Ковачова ше на Зонску смотру пласовала з роботу у сухим пастелу з назву „Танєц”, а Бики з малюнком „Мой салаш”, у олєю на платну.
Зонска смотра отримана 12. октобра, кеди у Ґалериї Културного центру у Кули отворена и вистава шицких учашнїкох, а тирва по 23. октобер.
Покраїнска смотра будзе отримана идуцого мешаца у Суботици, а з кулскей општини на Смотру ше пласовали Тимон Тамаш и Снежана Давидович з Кули, Зорица Медич и Драґиша Дюричич з Червинки и Славица Митрич з Крущичу.