НОВИ САД – У Скупштини АП Войводини отримана схадзка шицких заинтересованих учашнїкох у процесу запровадзованя Дунайскей стратеґиї, на хторей представени дотераз витворени, як и будуци проєкти Стратеґиї.
Конференцию отворела подпредсидателька Скупштини АП Войводини Ана Томанова Маканова, а присуствовали и представителє Канцелариї „Дунайска стратеґия поинт”, Канцелариї за европски интеґрациї Републики Сербиї и други значни актере у витворйованю Дунайскей стратеґиї.
Ношителє Стратеґиї и представителє локалних самоуправох, институцийох, орґанизацийох, компанийох и нєвладових орґанизацийох дискутовали о значносци Дунайскей стратеґиї за Сербию, та заключене же будзе нагоди участвовац у рижних розвойних проєктох медзи партнерами у подунайских жемох. Окреме обрацена увага на можлїву финансийну потримовку, конкретно прейґ Дунайскей транснационалней програми.
На сходзе бешедоване и о участвованю представительох Сербиї и Войводини, та локалних самоуправох, на Рочним форуме о Дунайскей стратеґиї, хтори будзе од 27. по 30. октобер у Улму, у Нємецкей.