БИКИЧ – У Бикичу вчера, праве на Русадля, отримана традицийна културно-тусристична манифестация „Пришли нам Русадля”.
З тей нагоди у Етно-хижи отворена вистава „Одняте од забуца”, а здруженя женох з Моровичу, Вишнїчева, Бачинцох, Беркасова, Соту, Латярку и Бикичу на штандох викладали свойо ручни роботи и стародавни єдла.
Централна часц манифестациї бул концерт у Доме култури, на хторим наступели госци зоз Стебнїку, зоз Словацкей – Шпивацка ґрупа „Стебнїчанки”, потим Мишана шпивацка ґрупа КПД „Дюра Киш” зоз Шиду, як и домашнї члени КПД „Иван Котляревски” – младша танєчна ґрупа и шпивацка ґрупа Дружтва, як и школяре котри виучую руски язик як виборни предмет.
После концерту ушлїдзело шпиванє и танцованє опрез Етно-хижи, покля нє зрубане майске древко.
Манифесатцию орґанизовали КПД „Иван Котляревски”, Здруженє женох „Бикичанки”, и Месна заєднїца Бикич, а з потримовку Општини Шид, Националного совиту Руснацох и Туристичней орґанизациї Шид.
