Отримана Месна смотра рецитаторох

автор маф
948 Опатрене

РУСКИ КЕРЕСТУР – На вчерайшей Месней смотри рецитаторох Руского Керестура перше место у младшим возросту освоєла Ребека Семан, друге Марко Ковачевич, а треце место Иван Планчак.

У конкуренциї штреднього возросту перши бул Матей Шепински, други Микола Еделински, а треце место освоєла Валентина Новта.

У старшим возросту найлєпша була Тимеа Будински, друге место освоєла Леонтина Штефанко, а треце Мария Малацко. У шицких трох возростох ше змагали 29-еро рецитаторе.

Селекторка шицких месних смотрох у кулскей општини, хтори почали 1. марца, а буду закончени на пияток, 4. марца – Амалия Ковач з Кули, а фахови консултатнт за руски язик Михайло Зазуляк. После шицких змаганьох по местох, селекторка одредзи котри рецитаторе буду участвовац на Општинскей смотри.

Як госци на програми наступели дзеци з керестурского Оддзелєня „Цицибан” Предшколскей установи „Бамби” з Кули – Ива Сабо, Хана Семан и Ника Дудаш, як и школяре керестурского Оддзелєня Школи за основне музичне образованє з Кули – Геленка Новта, Павле Венчельовски, Деян Гарди, Лора Новакович, Клара Катрина, Мая Сивч, Марина Джуджар, Олеся Папуґа, Иґор Папуґа и Йована Казак.

ПОВЯЗАНИ ТЕКСТИ