Отримана промоция мастер роботох

автор апа
999 Опатрене

НОВИ САД – У Заводзе за културу войводянских Руснацох вчера отримана промоция двох мастер роботох, а представени и „Зборнїк роботох з Другей рускей науковей конференциї младих науковцох и професионалцох, отриманей 24. мая 2014. року у Новим Садзе”. Промоцию орґанизовали Заводу за културу войводянских Руснацох (ВР) и Виглєдовацки круг.

Представени два мастер роботи – „Руска преса у Югославиї медзи двома шветовима войнами” автора Сашу Сабадоша и „Прикметнїки у руским язику” авторки Марини Джуджар. Обидва роботи и спомнути „Зборнїк” видал Завод за културу ВР початком децембра того року, а у рамикох конкурсного проєкту Едиция иновациї „Владимир Ґарянски”.

6-Master-02

На представяню виданьох бешедовали директор Заводу за културу ВР Серґей Тамаш, сами авторе, док Саша Сабадош, спред Виглєдовацкого круга, представел горе спомнути „Зборнїк” и, медзи иншим, наявел видаванє Трецого Зборнїку, на яр идуцого року.

Сабадош з тей нагоди поволал шицких младих най ше занїмаю з наукову роботу, най ше нє обаваю и виглєдую, же бизме мали цо вецей науково роботи и материяли.

6-Master-03

Же „Зборнїк” барз добра мотивация же би млади обявели свойо перши науково роботи гварела и член Редакциї „Зборнїку” и вокална солистка Ана Римар, котра потим одшпивала два шпиванки, а на ґитари ю провадзел Иван Симунович.

ПОВЯЗАНИ ТЕКСТИ