Отримана роботна акция у дюрдьовскей парохиялней порти

автор С. Саламун
774 Опатрене

ДЮРДЬОВ – Всоботу, 2. новембра, отримана велька роботна акция у котрей ушорйована парохиялна порта грекокатолїцкей церкви Рождества Пресвятей Богородици у Дюрдьове.

У роботней акциї виняти коло дзешец сухи жимжелєни древка, а найвецей у часци парохиї обок парохиялного дому котри ше находзи на главней улїчки. У порти и опрез нєй орезани сухи конари и конари з древох котри завадзали.

Церковни одбор вєдно зоз домашнїм священїком о. Михаилом Холошняйом и у сотруднїцтве зоз Неду Саламун, пейзажну архитектку зоз Дюрдьова, маю ґенерални план ушорйованя церковней порти на котрим ше почало робиц тей яри кед подполно ушорена часц парохиялного двора медзи парохиялним домом дзе ше находзи Руска одлога и ґалерия Юлияна Д. Колєсара и церкви. У планє и садзенє древкох, будованє каплїчки и други активносци котри буду предлужену док дошлєбодза финансийни средства.

Цалодньову роботну акцию орґанизовал Церковни одбор дюрдьовскей церкви, а на ню, окрем членох Одбора, було и красне число парохиянох.

ПОВЯЗАНИ ТЕКСТИ