КОЦУР – Вчера у просторийох Дому култури у Коцуре отримана рочна схадзка (скупштина) Месного одбору Рускей матки Коцур (МО РМ). Предсидателька МО РМ у Коцуре Моника Гарди винєсла звит о роботи коцурского Одбору у прешлим року, а Аранка Медєши финансийни звит.
Представени и план роботи МО РМ за тот рок, а на схадзки бешедоване и о двох проєктох хтори МО РМ послал на конкурс за традицийни манифестациї и проєкти Општини Вербас – за Подобову колонию и Днї театру, у орґанизациї коцурского Одбору Матки.
На схадзки у Коцуре присуствовал и предсидатель РМ Дюра Папуґа.