Отримана Рочна схадзка парохийней заєднїци

автор влдї
904 Опатрене

ШИД – Вчера, на швето Обрезания Исуса Христа и Святого Василия Велького, у церкви Преображеня Господнього у Шидзе парох о. Михайло Режак служел Службу Божу, а традицийно, на перши дзень у новим року по юлиянским календаре, у Лєтнєй владическей резиденциї отримана Рочна схадзка парохийней заєднїци.

У обсяжним уводним викладаню о. Режак вирних упознал з активносцами у прешлим  року, як и з о планом активносцох у 2016. року.

Финансийни звит поднєсол касир у Церковним одборе Владимир Торма, як и Надица Остоїч у мено Старших шестрох, котри ше стараю о украшованю церкви.

Схадзка була нагода и же би вирни з уплацованьом потвердзели (купели ) столки у церкви и дали зауваги и предкладаня на винєшени звити.

З нагоди спомнутих шветох служби Божо вчера служени и у наших церквох у Бачинцох и Беркасове.

8-Shadzka-02

ПОВЯЗАНИ ТЕКСТИ