ШИД – Всоботу и нєдзелю отримана 22. туристична манифестация „Сримска забивачка и колбасияда” хтора ма змагательни характер.
У швидким фаластованю и обробку меса швинї ше змагали штири екипи, а победзела екипа „Бизнис клуб” зоз Подравскей Слатини зоз Републики Горватскей зоз часом три минути и 57 секунди, а зоз каребнима поенами резултат бул пейц минути и седем секунди.
У швидким єдзеню килограма пражених колбасох змагали ше седем змагателє, а Бобан Дюрдєвич зоз Шиду бул перши, бо колбаси поєдол за два минути и шейсц секунди.
У змаганю за найлєпши швиже правени колбаси ше змагали 20 екипи, а победзела екипа зоз Бечею.
Другого дня манифестациї оценьовани сухи окурени колбаси, було 37 прикладнїки, а победзел Предраґ Лемаїч зоз Шиду.
Манифестацию соботу отворели Владислав Крсманович, помоцнїк покраїнского секретара за польопривреду, лєсарство и водопривреду и Павле Почуч, заменїк покраїнского секретара за привреду и туризем АП Войводини.