ШИД – У сали Скупштини општини Шид вчера отримана схадзка Женскей парламентарней мрежи АП Войводини под назву „Вєдно за змоцньованє и унапредзованє положеня женох“.
Схадзки присуствовали покраїнски посланїци зоз вецей општинох Войводини, як и одборнїци зоз локалних самоуправох у покраїни.
На схадзки сублимовани активносцох зоз потераз отриманих трибинох у шейсцох општинох Войводини, а посланїци и одборнїци виношели искуства о унапредзованю и змоцньованю положеня женох у своїх штредкох.
Окрем економского змоцньованя и ровноправней учасци у политики и явним живоце, бешедоване и о положеню женох у медийох и їх медзисобней солидарносци з окремним акцентом на положеню женох на валалох.
Схадзку водзела покраїнска посланїца Стоянка Лекич, а спред домашнїх Деяна Крсманович, покраїнска посланїца зоз Шиду и Снежана Павлица, координаторка Женскей одборнїцкей мрежи у СО Шид.
После схадзки учашнїци нащивели Ґалерию малюнкох познатого маляра Сави Шумановича.