ШИД – Општинска рада (ОР) Шид утвердзела Предлог о сцераню ЯП за квартельни услуги и будовательну жем з евиденциї индиректних хасновательох явних средствох, а тото подприємство би мало буц реорґанизоване по актуалних законских предписаньох.
Тиж прилапени и Предлог о одредзованю зонох и найопременших зонох на подручу општини, як и Предлог о менованю членох Управного одбору Народней библиотеки „Симеон Пищевич“.
ОР розпатрела Рочни звит о роботи ПУ „Єлица Станивукович-Шиля“ у прешлим и план роботи за чечуци рок, як и вименки плану дїлованя ЯП за квартельни услуги и будовательну жем за 2016 рок.
Утвердзени и предлоги о розришованю и менованю школских одборох Ґиманзиї „Сава Шуманович“, ОШ „Бранко Радичевич“ у Шидзе и ОШ „Вук Караджич“ у Адашевцох.
ОР розришела Совит Месней заєднїци Ямена и принєсла ришенє о менованю Дочасового цела спомнутей месней заєднїци. Тиж ришоване и о вимогох за материялни средства правних и физичних особох.