КУЛА – У кабинету предсидателя Општини Кула Дамяна Милянича тих дньох отримана схадзка на котрей присуствовали представнїки општинох Кула, Вербас, Оджак и Городу Зомбор.
Схадзка зволана пре розгварка о идейним проєкту державней драги Вербас–Кула–Зомбор–Бачки Бреґ котри будзе значни за цали заходнобачки округ, алє и ширше.
Попри представительох штирох локалних самоуправох, на схадзки присуствовали и Светлана Килибарда, руководителька Сектору за просторне и урбанистичне планованє и Душан Мариян, началнїк Заходнобачкого управного округу.
У одношеню на стратеґийни приоритети котри дефиновани през Просторни план Републики Сербиї, реконструкция и вибудов державней драги 1. шору Вербас–Кула–Зомбор–Бачки Бреґ витални драгови напрям котри задумани як вяза Коридору 10 и Коридору 7, а тиж є и виход на плановану южну автодрагу през Мадярску.
Як пише кулски општински сайт, министерство и Покраїнска влада потримали вибудов, а роботна ґрупа у наиходзацим периоду обяви заєднїцки допис, же би ше цо скорей почало реализовац тот проєкт.