ВЕРБАС – Пондзелок у Вербаше отримана схадзка локалного парламенту, а найдлугшу розправу виволал предклад ришеня о даваню согласносци на Програму дїлованя Явного комуналного подприємства „Комуналац” за 2015. рок.
Одборнїки прилапели записнїки зоз 16., 17., 18. и 19. схадзки СО, предкладанє одлуки о вименкох и дополнєньох Одлуки о окончованю комуналних дїялносцох, та предкладанє одлуки о вименкох и дополнєньох Одлуки о хованю и теметовох.
Прилапена и Одлука о санитарно-технїчних условийох за випущованє одрутних водох до явней канализациї, як и предкладанє одлуки о вименкох и дополнєньох Одлуки о додзельованю виключного права явним подприємством чий снователь општина Вербас за окончованє дїялносци обезпечованя услугох на котри ше Закон о явних набавкох нє применює, як и предклад ришеня о даваню согласносци на Одлуку о вименкох и дополнєньох Статуту Явного комуналного подприємства „Стандард”.