ДЮРДЬОВ – Церковни одбор Церкви Рождества Пресвятей Богородици з Дюрдьова, пондзелок, 9. марца отримал рочну схадзку, на хторей, попри вирскей, спатрена и пенєжна дїялносц нашей церкви у Дюрдьове.
Дюрдьовски парох о. Йоаким Холошняй поинформовал одборнїкох о финансийним стану у порядним и позарядовим фонду за обнову церкви, хтори з найвекшей часци польня донаторе з иножемства. Так Надвладичество з Келну, з Нємецкей, на два заводи даровало векши суми пенєжу же би ше до церкви положело зогриванє и марморово цегелки на жем, цо коло 50 одсто инвестицийней вредносци роботи. На схадзки порадзене же ше з роботу почнє того року, пре оправдованє средствох при донаторох, алє ше предлужи глєдац пенєжи и з других жридлох за тоту роботу.
По одлуки Одбору парохийного Каритасу, средства назберани у церкви на Нєдзелї Каритасу буду подзелєни найхудобнєйшим парохияном за Вельку ноц.
На схадзки бешедоване и о наявеней нащиви предсидателя Општини Жабель Чедомира Божича Церковному одбору, пре догварку о потребних роботох коло теметовскей церквочки, же би хованя могло окончовац и по нєвигодней хвилї.за