КОЦУР – За школярох другей класи Oсновней школи „Братство єдинство” вчера отримане едукативне преподаванє о здравому костираню, о чим бешедовала др Мария Возар з вербаского Дому здравя, а на тоту окремну годзину були поволани и родичи.
Др Возар о костираню бешедовала през пирамиду костираня, хтору представела на видео-биму, визначела як ше треба правилно костирац и хтора пожива нє здрава за їх орґанизем.
Як гварела др Возар, за преподаванє вибрани праве тот возрост, бо важне же би ше дзеци одмалючка научели здраво костирац.