КОЦУР – У Основней школи „Братство єдинство” у Коцуре вчера, 7. новембра, отримане школске змаганє зоз математики.
Математични задатки ришовали коло 90-еро школяре од III по VIII класу.
Як гварела о. д. директора Школи Сенка Мученски, резултати того школского змаганя буду обявени 12. новембра, и потим шлїдзи Општинске змаганє зоз математики котре заказане за 7. децембер.
Школяре нїзших класох ше за тото змаганє пририхтовали зоз своїма учительками, а школярох висших класох пририхтали їх наставнїци математики.