Отримани виберанки за Општинску раду рускей меншини

автор дюлї
891 Опатрене

МИКЛОШЕВЦИ – У просторийох Дружтвеного дому у Миклошевцох вчера отримани виберанки за членох Општинскей ради рускей националней меншини Томповци. Спрам перших, нєуряових резултатох, зоз 230 уписаних Руснацох з правом гласа на гласанє вишли 63 особи, цо лєм коло 28 одсто.

До Општинскей ради рускей националней меншини Томповци ше виберало 10 членох, кельо було и кандидатох на лїстини, так же, за тераз нєурядово, у идуцих 4 рокох за членох спомнутей ради з Миклошевцох вибрани Мирослав Лїкар, Борис Ю. Бучко, Деян Лїкар, Сузана Мудри, Златко Гирйовати, Влатко Сабадош, Звонко Ждиняк, Славко Ждиняк, Звонко В. Мудри и Дюра Бики.

Конституованє Ради будзе того тижня, после того як Жупанийска виберанкова комисия поднєше звит о конєчих резултатох зоз шицких виберацких местох за руску, як и за други национални менши.

Предвидзованя о релативно слабей виходносци припаднїкох националних меншинох на виберанки за їх самоуправи обчековани, бо информованосц о отримованю виберанкох була на барз нїзким уровню, та так и у Миклошевцох. Нє отримана анї єдна масовнєйша схадзка зоз жителями, а велї анї нє упознати з функциями Ради.

ПОВЯЗАНИ ТЕКСТИ