ЖАБЕЛЬ – Концом прешлого тижня, з нагоди Дня школи, у голу ОШ „Жарко Зренянин” у Жаблю отримани Фестивал науки на хторим представени инересантносци, науково роботи и рижни експерименти з вецей природних и дружтвених наукох, односно школских предметох.
Млади презентере на Фестивалє науки толковали обласци хтори виглєдовали, на интересантни способ презентовали заключеня и формули з математики, хемиї, физики, та податки о нємецким, русийским, сербским язику, о билоґиї, историї и з других предметох. На Фестивалє приказани и єден документарни филм.
Саям отворел предсидатель Општини Жабель Чедомир Божич, а нащивели го и члени Општинскей ради, родичи и школяре.