КУЛА – Всоботу, 30. януара, у „Непкеру” у Кули отримани Национални бал Руснацох, на хторим були коло 70 госци з Руского Керестура, Вербасу, Дюрдьова, Нового Саду и домашнї з Кули. Остатнї роки Национални бал ше отримує у месце дзе отримана и Централна преслава националного швета Руснацох.
На початку шицких привитал предсидатель Националного совиту (НС) Руснацох Славко Рац, а на Балє були и його заменїк Йовґен Мудри, предсидатель Вивершного одбору НС Желько Ковач, други члени Совиту, предсидатель Руского КУД „Др Гавриїл Костельник” з Кули Владимир Бучко, як и особи з наших установох и здруженьох.
Бал бул весели, чому допринєсол и оркестер Владимира Сивча, хтори грал векшином руску и українску музику.
Орґанизована и богата томбола, а главна награда – бициґла – пошла до Руского Керестура.