НОВИ САД – На першей схадзки Одбору за националну ровноправносц Скупштини Автономней покраїни Войводини у актуалним зволаню, хтора отримана вчера, було бешеди о проблемох з обласци язика и писма з хторима ше стретаю национални меншини.
Члени Одбору поинформовани о резултатох виглєдованя хторе окончел Покраїнски омбусдман з тему „Знанє язикох и писмох националних меншинох хтори у розноправним службеним хаснованю у орґанох Покраїнскей управи”.
Одбор розпатрал и Информацию о основним и штреднїм образованю школярох, з окремним акцентом на образованє на язикох националних меншинох-заєднїцох у АПВ у школским 2014/15. року.
На вчерайшей схадзки за заменїка предсидателя Одбору за националну ровноправносц вибрани Данєл Унґур.